दिनांक 15 जून 2024 रोजी इ.1 ते 10 वी चा प्रवेशोत्सव मोठ्या उत्साहात पार पडला.

म. ए. सो. ज्ञानमंदिर,कळंबोली. विद्यालयात शुक्रवार, दिनांक 21 जून 2024 रोजी 'आंतरराष्ट्रीय योग दिन'  प्रमुख पाहुणे पतंजली योगपीठ मध्ये कार्यरत योगशिक्षिका श्रीमती. मीना अग्रवाल मॅडम व सहाय्यक योगशिक्षिका श्रीमती. चांदणी सिंग मॅडम यांच्या उपस्थितीत मोठ्या उत्साहात साजरा झाला .योग ही भारताने संपूर्ण जगाला दिलेली अमूल्य देणगी आहे. योगामुळे शरीर व मन स्थिर राहते. श्रीमती अग्रवाल मॅडम व त्यांच्या सहकारी यांनी विद्यार्थ्यांकडून योगासने, प्राणायाम यांची प्रात्यक्षिके करून घेतली. तसेच प्रत्येक आसनांचे महत्व विद्यार्थ्यांना सांगितले.

म.ए.सो ज्ञानमंदिर,कळंबोली

वर्धापन दिन

म.ए.सो ज्ञानमंदिर,कळंबोली विद्यालयात सोमवार, दिनांक 1 जूलै 2024 रोजी शाळेचा 27 वा वर्धापन दिन मोठ्या उत्साहात साजरा करण्यात आला.

यानिमित्त विद्यालयात इयत्ता 5 वी ते 7 वी च्या विद्यार्थ्यांसाठी 'गीतगायन स्पर्धा' आयोजित करण्यात आली. या स्पर्धेसाठी शाळेचे माजी पालक श्री. रामचंद्र गायकर सर हे परीक्षक म्हणून लाभले.

इ. 1 ली ते 4 थी च्या विद्यार्थ्यांनी शाळेसाठी पुष्पगुच्छ व भेटकार्ड तयार केले. तोरण व फुलांच्या माळा लावून शाळा सजवली.या कार्यक्रमास संस्था पदाधिकारी, प्राथमिक विभाग मा. मुख्याध्यापिका सौ. संजना बाईत यांचे मार्गदर्शन लाभले.

शालेय वर्ग प्रतिनिधी निवडणूक

वर्ग प्रतिनिधी निवडणूक दरवर्षीप्रमाणे याही वर्षी म.ए.सो.ज्ञानमंदिर , कळंबोली. (माध्यमिक विभाग) विद्यालयामध्ये वर्ग प्रतिनिधी निवडणूक दिनांक 6 जुलै 2024 रोजी घेण्यात आली. त्यासाठी ची सूचना आधीच विद्यार्थ्यांना देण्यात आली होती. त्यानुसार विद्यार्थ्यांमधूनच निवडणूक अधिकारी निवडण्यात आले होते. वास्तविक पाहता आपला देश लोकशाही प्रधान देश असल्याने आपल्या देशाचा कारभार प्रत्यक्ष मतदान पद्धतीने कसा चालतो हे विद्यार्थ्यांना समजावे हा उद्देश ठेवून विद्यालयाने वर्ग प्रतिनिधी निवडणूक आयोजित केली.त्यासाठी निवडणूक अधिकाऱ्यांची निवड करण्यात आली व त्यांची एक बैठक घेऊन त्यांना त्यांच्या जबाबदाऱ्या व कर्तव्य समजावून सांगण्यात आले. त्यानुसार सर्व निवडणूक अधिकाऱ्यांनी निवडणुकीची तयारी अतिशय जोमाने केली. त्यासाठी सर्व वर्गांतून उमेदवारांचे अर्ज मागविण्यात आले व त्यानंतर ज्या विद्यार्थी उमेदवारांना आपले अर्ज मागे घ्यायचे होते त्यांना ठराविक कालावधी देण्यात आला. त्यानंतर उरलेल्या उमेदवारांमध्ये निवडणूक घेण्यात आली सदर निवडणुकीमध्ये इयत्ता आठवी ते दहावीचे वर्ग सहभागी करून घेण्यात आले होते. ठरलेल्या वेळेप्रमाणे व तारखेप्रमाणे निवडणूक दिनांक 06 जुलै 2024 रोजी पार पडली. दिनांक 08 जुलै २०२४ रोजी निवडणुकीचा निकाल जाहीर करण्यात आला. शेवटी सर्व विजयी उमेदवारांचे सर्व शिक्षकांनी अभिनंदन केले. अशाप्रकारे 'वर्ग प्रतिनिधी निवडणूक' लोकशाही पद्धतीने अतिशय उत्साहात पार  पडली.

            शालेय वर्ग प्रतिनिधी निवडणुक (प्राथमिक विभाग )

             शनिवार दिनांक 6 जुलै 2024 रोजी विद्यालयात इयत्ता 5 वी ते 7 वी च्या विद्यार्थ्यांची वर्ग प्रतिनिधी निवडणुका घेण्यात आल्या.

 भारत देशामध्ये लोकशाही कशा पद्धतीने चालते, हे विद्यार्थ्यांना समजावे या हेतूने विद्यालयात दरवर्षी वर्ग प्रतिनिधी निवडणुका घेण्यात येतात. या निवडणुक प्रक्रियेसाठी श्री. उद्धव कदम सर यांच्या मार्गदर्शनाखाली निवडणूक आयोगाची स्थापना करण्यात आयुक्त नेमणूक करण्यात आली.  दोन मतदान कक्षाचे नियोजन करण्यात आले. निवडणूक आयुक्त, निवडणूक अधिकारी, स्वयंसेवक, शिपाई यांची नेमणूक करण्यात आली. प्रत्येक वर्गासाठी मतपत्रिका तयार करण्यात आली. अशाप्रकारे अतिशय खेळीमेळीच्या वातावरणात ही वर्गप्रतिनिधी निवडणूक विद्यालयाच्या मा. मुख्याध्यापिका सौ संजना बाईत मॅडम यांच्या मार्गदर्शनाखाली पार पडली. शनिवार दिनांक 6 जुलै 2024 रोजी विद्यालयात इयत्ता 5 वी ते 7 वी च्या विद्यार्थ्यांची वर्ग प्रतिनिधी निवडणुका घेण्यात आल्या.

 भारत देशामध्ये लोकशाही कशा पद्धतीने चालते, हे विद्यार्थ्यांना समजावे या हेतूने विद्यालयात दरवर्षी वर्ग प्रतिनिधी निवडणुका घेण्यात येतात. या निवडणुक प्रक्रियेसाठी श्री. उद्धव कदम सर यांच्या मार्गदर्शनाखाली निवडणूक आयोगाची स्थापना करण्यात आयुक्त नेमणूक करण्यात आली.  दोन मतदान कक्षाचे नियोजन करण्यात आले. निवडणूक आयुक्त, निवडणूक अधिकारी, स्वयंसेवक, शिपाई यांची नेमणूक करण्यात आली. प्रत्येक वर्गासाठी मतपत्रिका तयार करण्यात आली. अशाप्रकारे अतिशय खेळीमेळीच्या वातावरणात ही वर्गप्रतिनिधी निवडणूक विद्यालयाच्या मा. मुख्याध्यापिका सौ. संजना बाईत मॅडम यांच्या मार्गदर्शनाखाली पार पडली.

म.ए.सो.ज्ञानमंदिर, कळंबोली विद्यालयात आषाढी एकादशीनिमित्त दिंडी

आज मंगळवार दि. 16 जुलै 2024 रोजी म. ए. सो. ज्ञानमंदिर, कळंबोली विद्यालयात आषाढी एकादशीनिमित्त कार्यक्रम घेण्यात आला.

पंढरपूरचा विठोबा हा अवघ्या महाराष्ट्राचे दैवत असून आषाढी एकादशीला येथे वारकऱ्यांचा मोठा मेळा भरतो. महाराष्ट्राच्या कानाकोपऱ्यातून लाखो भाविक लोक विठ्ठल नामाचा गजर करीत आषाढी एकादशीला पायी चालत येतात, हिलाच आषाढी वारी म्हणतात. या वारीचे महत्त्व व आपली संस्कृती मुलांनी जपण्यासाठी आम्ही मुलांना वारकरी पोशाखात तयार होऊन येण्यास सांगितले व शाळेतच छोटीशी दिंडी काढली.

गुरुपौर्णिमेनिमित्ताने प्रवचनाचे आयोजन

शनिवार दि. 20 जुलै 2024 रोजी  'गुरुपौर्णिमेनिमित्त' म.ए.सो. ज्ञानमंदिर, कळंबोली विद्यालयात इ.5 वी ते 7 वी च्या विद्यार्थ्यांसाठी प्रवचनाचे आयोजन करण्यात आले होते. या कार्यक्रमासाठी ह.भ.प.सौ. माधुरी गोसावी यांना आमंत्रित करण्यात आले होते. त्यांनी आपल्या प्रवचनातून विद्यार्थ्यांना गुरुपौर्णिमेचे महत्त्व, गुरू-शिष्य यांमधील नाते कसे असावे, याविषयी सांगितले.

तसेच एकाग्रता वाढविण्यासाठी विद्यार्थ्यांकडून विविध कृती करून घेतल्या.तसेच इ. 1 ली व 2 री च्या विद्यार्थ्यांसाठी मनाचे श्लोक पाठांतर स्पर्धा व इ.3 री व 4 थी च्या विद्यार्थ्यांसाठी विविध स्तोत्र-मधुराष्टकम, पांडुरंगाष्टकम, शिवपंचाक्षर स्तोत्र, शिवतांडव स्तोत्र पठण स्पर्धा घेण्यात आली.या कार्यक्रमासाठी प्राथमिक विभागाच्या मुख्याध्यापिका सौ.संजना बाईत मॅडम यांचे मार्गदर्शन लाभले.

शिक्षण सप्ताह - पहिला दिवस

राष्ट्रीय शैक्षणिक धोरण 2020 च्या चौथ्या वर्धापन दिनानिमित्त दिनांक 22 ते 28 जुलै 2024 या कालावधीत केंद्रीय शिक्षण मंत्रालयातर्फे आलेल्या पत्रानुसार आपल्या म ए सो ज्ञानमंदिर, विद्यालयात विभागामध्ये शिक्षण सप्ताह साजरा करण्यात आला. यामध्ये पहिल्या दिवशी इयत्ता १ली ते २ री या स्तरासाठी  ठसेकाम तसेच साहित्य पेटी च्या माध्यमातून शब्द साखळी तयार करणे‌ व इयत्ता ३री व ४ थी  मुखवटे, भाज्या व फळे कार्ड्स बनविण्यात आले.

शिक्षण सप्ताह - दुसरा दिवस

इयत्ता १ ली ते २ री स्तरावर संख्याज्ञान*या अंतर्गत *गणिती खुर्ची व इयत्ता ३ री व ५ वी पायाभूत संख्याज्ञान व गणिती क्रिया तसेच भाषिक वाचन व अभियोग अभिव्यक्त होणे हे उपक्रम घेण्यात आले.

क्रीडा दिवस

तिसऱ्या दिवशी क्रीडा दिवस यामध्ये इयत्ता १ ली व २ री चमचा-लिंबू व दोरी उड्या तसेच इयत्ता ३ री व ४ थी या स्तरासाठी आंधळी कोशिंबीर, *लंगडी व फुगडी हे पारंपारिक खेळ घेण्यात आले.

शिक्षण सप्ताह अंतर्गत कौशल्य व डिजिटल उपक्रम दिवस

शिक्षण सप्ताह अंतर्गत सांस्कृतिक दिवस

लोकमान्य टिळक पुण्यतिथी

गुरुवार दिनांक 1 ऑगस्ट 2024 रोजी विद्यालयात प्राथमिक विभाग (इयत्ता १ली ते ४थी ) लोकमान्य टिळक पुण्यतिथी निमित्त इंग्रजी *Story telling स्पर्धा घेण्यात आली. यामध्ये सहभागी विद्यार्थ्यांनी अतिशय उत्तम हावभावासह गोष्टी सादर केल्या. स्पर्धेसाठी परीक्षक म्हणून श्री. उद्धव कदम यांनी काम पाहिले.

शैक्षणिक चित्रपट

शैक्षणिक वर्ष 2024 - 25 मध्ये शासनाच्या आदेशानुसार म.ए सो ज्ञानमंदिर, कळंबोली विद्यालयात एक सामान्य कुटुंबातील मुलगा ज्याला शिक्षकांनी शिकविलेले अजिबातच कळत नाही. अशा मुलाला शिक्षक कसे नवीन पद्धत अवलंबून शिकवितात व तोच विद्यार्थी पुढे शिकून मोठा अधिकारी होतो. हे जिंकी रे जिंकी या शैक्षणिक चित्रपत्रांतून शुक्रवार दिनांक 02/08/2024 रोजी दाखविण्यात आले.

अध्यापक प्रबोधिनी अंतर्गत टीमवर्क कार्यशाळा

शनिवार दिनांक 03/08/2024 रोजी “अध्यापक प्रबोधिनी अंतर्गत टीमवर्क” या विषयावर कार्यशाळा आयोजित करण्यात आली होती. विद्यालयाच्या समुपदेशक श्रीमती पूजा राजेश दोंदे यांनी कार्यशाळेची सुरुवात Human knot हा कृतीयुक्त खेळ घेऊन केली. या खेळातून टीमवर्क म्हणजे काय? टीम वर्क कसे करावे? हे शिकवण्यात आले. टीमवर्क चे फायदे सांगितले. तसेच यशस्वीरित्या टीमवर्क करण्यासाठी आपल्या अंगी कोण कोणती कौशल्य असली पाहिजेत हे समजावून सांगण्यात आले.

जीवन मे कुछ करना है तो मन को मारे मत बैठो!

आगे आगे बढना है तो हिम्मत हारे मत बैठो!

या प्रेरणादायी गीताने कार्यशाळेची सांगता झाली. या कार्यशाळेस पूर्व प्राथमिक विभागाच्या मुख्याध्यापिका सौ. प्रियांका फडके, प्राथमिक विभागाच्या मुख्याध्यापिका सौ. संजना बाईत, माध्यमिक विभागाचे मुख्याध्यापक श्री. धनंजय मेळकुंदे यांचे मार्गदर्शन लाभले.

"हर घर तिरंगा म्हणजेच घरोघरी तिरंगा"

"हर घर तिरंगा म्हणजेच घरोघरी तिरंगा" अभियानाअंतर्गत शुक्रवार दि. 9-08-2024 रोजी म.ए.सो.ज्ञानमंदिर, कळंबोली विद्यालयात इयत्ता 5 वी ते 7 वी च्या विद्यार्थ्यांची 'तिरंगा यात्रा' काढण्यात आली. यावेळी भारतमाता, तसेच विविध क्रांतिकारक व नेते यांची वेशभूषा विद्यार्थी करून आले होते.
यासाठी प्राथमिक विभागाच्या मुख्याध्यापिका मा. सौ. संजना बाईत मॅडम यांचे मार्गदर्शन लाभले.

'तिरंगा रॅली'

"हर घर तिरंगा म्हणजेच घरोघरी तिरंगा" अभियानाअंतर्गत शनिवार दि. 10-08-2024 रोजी म.ए.सो.ज्ञानमंदिर, कळंबोली विद्यालयात इयत्ता 5 वी ते 7 वी च्या विद्यार्थ्यांची सायकल वरून 'तिरंगा रॅली' काढण्यात आली. यासाठी प्राथमिक विभागाच्या मुख्याध्यापिका मा. सौ. संजना बाईत मॅडम यांचे मार्गदर्शन लाभले.

घरोघरी तिरंगा

शासनाच्या निर्देशानुसार घरोघरी तिरंगा या अभियाना अंतर्गत म ए सो ज्ञानमंदिर, कळंबोली या आपल्या विद्यालयात सोमवार दिनांक 12 ऑगस्ट 2024 या दिवशी तिरंगा*सांस्कृतिक दिवस साजरा करण्यात आला.यामध्ये मुलांनी देशभक्तीपर गीत यावर अतिशय सुंदर रित्या नृत्य सादर केले.

*तिरंगा*कॅनव्हाॅस ,

शासनाच्या निर्देशानुसार घरोघरी तिरंगा या अभियाना अंतर्गत म ए सो ज्ञानमंदिर, कळंबोली या आपल्या विद्यालयात मंगळवार दिनांक 13 ऑगस्ट 2024 या दिवशी *तिरंगा*कॅनव्हाॅस , या *उपक्रमांतर्गत मुलांनी कॅनव्हाॅस पेपर वरती तिरंगी झेंड्याचे सुंदर असे चित्र रेखाटले व कोलाज केले.

                            रक्षाबंधन

म.ए.सो ज्ञानमंदिर, कळंबोली या आपल्या विद्यालयात शनिवार दिनांक १७ ऑगस्ट २०२४ रोजी वर्गवार रक्षाबंधनाचे महत्त्व समजावून सांगितले. व रक्षाबंधन हा कार्यक्रम साजरा करण्यात आला.

शिक्षक दिन

गुरुवार दिनांक ५ सप्टेंबर २०२४ रोजी विद्यालयामध्ये *शिक्षकदिन*अतिशय उत्साहात साजरा करण्यात आला.डॉ सर्वपल्ली राधाकृष्णन यांच्या प्रतिमापूजनाने कार्यक्रमाची सुरुवात झाली. यानंतर पालक शिक्षकांनी शाळेच्या अर्ध्या वेळेत शिक्षकांची भूमिका बजावली व मधल्या सुट्टीच्या वेळेनंतर इयत्ता ६ वी व ७ वीच्या विद्यार्थ्यांनी शिक्षक म्हणून शिकविण्याचा आनंद घेतला. तसेच आलेल्या पालकांसाठी व विद्यार्थ्यांसाठी अल्पोपहार व चहा देण्यात आला.

म.ए. सो. आद्यक्रांतिवीर वासुदेव बळवंत फडके विद्यालयाच्या रौप्यमहोत्सवी वर्षानिमित्त आंतरशालेय निबंध स्पर्धा'

                            गट क्रमांक १ - इ. ५ वी ते ७ वी

द्वितीय क्रमांक - कु. यशिका जगन्नाथ गोफणे (इ. ६ वी वर्षा)

                                                                तृतीय क्रमांक - कु. कृतिका संदिप सावंत (इ. ६ वी वर्षा)

शारदीय नवरात्रोत्सव

शारदीय नवरात्रौत्सवात आपल्या विद्यालयात घटस्थापना करून नियोजनाप्रमाणे प्रत्येक वर्गाची आरती व प्रसाद ठेवला जातो.  शाळेतील सर्व मुलांना प्रसादाचे वाटप केले जाते. तिसरी व चौथीच्या मुलींचा भोंडला घेण्यात आला. तसेच शुक्रवार दिनांक ११ ऑक्टोबर २०२४ रोजी सरस्वती पूजन करून*संस्कृतीची व मूल्यांची* जाणीव मुलांना करून देण्यात आली.

वाचन प्रेरणा दिन

पनवेल महानगरपालिका अंतर्गत शालेय खो खो स्पर्धा 2024 - 25

14 वर्षाखालील मुले - प्रथम क्रमांक,

14 वर्षाखालील मुली -  तृतीय क्रमांक

फटाके मुक्त दिवाळी अभियांना अंतर्गत इको - फ्रेडली दिवाळी

महाराष्ट्र अंधश्रद्धा निर्मूलन समिती  पनवेल  - फटाके मुक्त दिवाळी अभियानांतर्गत हा कार्यक्रम दिनांक १६.१०.२०२४ आणि १७.१०.२०२४ असे सलग दोन दिवस कार्यक्रम घेण्यात आला.

पाककला स्पर्धा - दिवाळी निमित्त पालकांसाठी

बालदिन सप्ताह

गुरुवार दिनांक 14 नोव्हेंबर 2024 पासून बालदिना निमित्त विद्यालयात बालदिन सप्ताह साजरा करण्यात येणार आहे. प्रतिमा पूजन करून व दिनविशेषपर महत्व सांगून सप्ताहास सुरुवात करण्यात आली. वाढदिवस असणाऱ्या विद्यार्थ्यांचे औक्षण करून भेटवस्तू व गुलाबाचे फूल देण्यात आले.
आज इयत्ता 1 ली ते 4 थी ची स्मरणशक्ती स्पर्धा घेण्यात आली. शनिवार दिनांक १६ नोव्हेंबर 2024 रोजी हस्ताक्षर स्पर्धा व सोमवार दिनांक १८ नोव्हेंबर 2024 रोजी मतदान जनजागृतीसाठी जाहिरात सादरीकरण स्पर्धा घेणार येणार आहे.

संस्था वर्धापन दिन

दिनांक १९ नोव्हेंबर रोजी महाराष्ट्र एज्युकेशन सोसायटीच्या १६४ व्या वर्धापन दिनानिमित्त विद्यालयात संस्था वर्धापन दिन अत्यंत उत्साहात साजरा करण्यात आला.
कार्यक्रमाची सुरुवात प्रतिमापूजनाने झाली. यावेळी विद्यालयाच्या संगीत शिक्षकांनी व सर्व शिक्षक शिक्षकेतर कर्मचारी यांनी म. ए. सो. गीत सादर केले. दिनविशेषपर महत्त्व सांगून व आभार प्रदर्शन करून कार्यक्रमाची सांगता करण्यात आली.

प्रशालेत संविधान दिन उत्साहात साजरा

आज दिनांक 26 नोव्हेंबर 2024 रोजी प्रशालेत संविधान दिन उत्साहात साजरा करण्यात आला श्री. बाबासाहेब आंबेडकर यांच्या प्रतिमेचे व संविधानाचे पूजन यावेळी करण्यात आले.परिपाठाच्या वेळी संविधानाची प्रस्तावना व संविधानावर आधारित घोषवाक्य यावेळी विद्यार्थ्यांकडून बोलून घेण्यात आली.

क्षेत्रभेट - महाबळेश्वर , प्रतापगड

क्षेत्रभेट - अलिबाग -कनकेश्वर मंदिर, कुलाबा किल्ला

क्षेत्रभेट - सगुणा बाग नेरळ

महाराष्ट्र एज्युकेशन सोसायटीचे ज्ञानमंदिर ,कळंबोली - द्वितीय क्रमांकाचे बक्षीस

क्रांतीज्योती सावित्रीबाई फुले जयंती

*म. ए. सो ज्ञानमंदिर ,कळंबोली विद्यालयात आज शुक्रवार दिनांक ०३ जानेवारी २०२५ क्रांतीज्योती सावित्रीबाई फुले जयंतीनिमित्त सावित्रीबाई फुले यांच्या प्रतिमेचे पूजन मुख्याध्यापिका व सहशिक्षिका करीत असतानाचे छायाचित्र.

युवा चेतना दिन

11 जानेवारी  2025

इंटरमिजिएट ग्रेड परीक्षा

शैक्षणिक वर्ष 2024-05

निकाल 100 %

वक्तृत्व स्पर्धा

सोमवार दि.20/01/2025 रोजी विद्यालयात प्रजासत्ताक दिनाच्या निमित्ताने 'वक्तृत्व स्पर्धेचे' आयोजन करण्यात आले होते.परीक्षक म्हणून ज्ञानमंदिर,कळंबोली या विद्यालयाची माजी विद्यार्थीनी डॉ. विद्या बापूराव दोरगे (BAMS) यांना बोलावण्यात आले होते. मा. पाहुण्यांचा परिचय ग्रंथपाल सौ.संगिता भाळे मॅडम यांनी करून दिला. विद्यालयाच्या मा.मुख्याध्यापिका सौ.संजना बाईत मॅडम यांच्या हस्ते पुष्पगुच्छ देऊन पाहुण्यांचे स्वागत करण्यात आले.या स्पर्धेमध्ये इ.5 वी ते 7 वी च्या एकूण 20 विद्यार्थ्यांनी उत्स्फूर्त सहभाग दर्शवला.या स्पर्धेनंतर विद्यालयात पार पडलेल्या गीतगायन स्पर्धेतील यशस्वी विद्यार्थ्यांचे मा. पाहुण्याच्या हस्ते बक्षीस देऊन कौतुक करण्यात आले.

अशाप्रकारे मा. मुख्याध्यापिकांच्या मार्गदर्शनाखाली हा कार्यक्रम मोठ्या उत्साहात पार पडला.

 शुभेच्छा समारंभ

दि. 04 फेब्रुवारी रोजी म.ए.सो.ज्ञानमंदिर , कळंबोली विद्यालयात एस.एस.सी.  फेब्रुवारी 2005  ला परीक्षेत बसलेल्या विद्यार्थ्यांसाठी शुभेच्छा समारंभ आयोजित करण्यात आला. या प्रसंगी डॉ. श्री. नितीन पाटील सर प्रमुख पाहुणे म्हणून लाभले.

मा. प्रमुख पाहुण्यांच्या हस्ते विद्यार्थ्यांना गौरविण्यात आले. सदर कार्यक्रमास पूर्व प्राथमिक विभागाच्या मुख्याध्यापिका सौ.प्रतिभा पांडव मॅडम , प्राथमिक विभागाच्या मुख्याध्यापिका सौ. संजना बाईत मॅडम व माध्यमिक विभागाच्या ज्येष्ठ शिक्षिका सौ. दिपाली कुलकर्णी मॅडम तसेच पूर्व प्राथमिक ते माध्यमिक विभागातील सर्व शिक्षक व शिक्षकेतर कर्मचारी उपस्थित होते. मा. प्रमुख पाहुण्यांनी आपल्या भाषणातून विद्यार्थ्यांना जीवनात प्रगती करत असताना मोबाईलचा योग्य काळजीपूर्वक वापर कसा करावा हे समजावून सांगितले. या प्रसंगी श्रीम.थोरात  मॅडम यांनी शिक्षक मनोगत व्यक्त केले. काही विद्यार्थ्यांनीही आपले मनोगत व्यक्त केले. सदर कार्यक्रमाचे सूत्रसंचालन श्री. म्हात्रे सर यांनी केले. अशाप्रकारे शुभेच्छा समारंभ अतिशय चांगला वातावरणात संपन्न झाला.

मातृ पितृ पूजन अहवाल

माता-पिता हे आपल्या जीवनातील पहिले गुरु आणि मार्गदर्शक असतात. त्यांच्या प्रेमाने आणि संस्काराने आपले भविष्य घडते. त्यांचे ॠण व्यक्त करण्यासाठी शुक्रवार दि. 14/02/2025 रोजी म.ए.सो. ज्ञानमंदिर, कळंबोली या विद्यालयात इयत्ता 5 वी ते 7 वी मधील वि‌द्यार्थ्यांसाठी 'मातृ-पितृ पूजन' या कार्यक्रमाचे आयोजन करण्यात आले.
कार्यक्रमासाठी प्रमुख पाहुणे भारत विकास परिषदेमध्ये कार्यरत असलेल्या सौ. शुभांगी भिडे मॅडम व त्यांचे पती श्री. सुबोध भिडे उपस्थित होते. कार्यक्रमाची सुरुवात प्रतिमापूजन व सरस्वती वंदनेने करण्यात आली. विद्यालयाच्या मा. मुख्याध्यापिका सौ. संजना बाईत मॅडम यांनी त्यांचे स्वागत केले. प्रमुख पाहुण्यांनी आपल्या मनोगतातून पालकांचा आदर करण्यास विद्यार्थ्यांना प्रोत्साहित केले. ज्ञानासारखे पवित्र दुसरे काहीही नाही. मुले पालकांचे अनुकरण करत असतात, म्हणून पालकांनी मुलांसमोर चांगले आचरण ठेवले पाहिजे. सकाळी उठल्यापासून रात्री झोपेपर्यंत विद्यार्थ्यांनी कोणकोणते श्लोक कोणत्या वेळी म्हणावेत, याविषयी मार्गदर्शन केले. आपण दिवसभरात काय काय केले याचा घटनाक्रम पालकांनी मुलांना विचारावा, तसेच मुलांसोबत संवाद साधावा. आपण कसे वागावे यापेक्षा कसे वागू नये, हे पालकांनी विदयार्थ्यांना सांगावे. अशाप्रकारे प्रमुख पाहुण्यांनी सर्व पालकांना मार्गदर्शन केले. संस्कार म्हणजे नेमके काय, हे त्यांनी सांगितले. हळद-कुंकूचे महत्त्व, नमस्कार कशा पद्‌धतीने करावा, हे देखील पूजनाच्या वेळी त्यांनी सांगितले. यावेळी महाराष्ट्राचे आराध्य दैवत श्री छत्रपती शिवाजी महाराज यांचा पाळणा व पोवाडा विदयालयातील गायकवृंदांनी सादर केला.

*मातृ-पितृ पूजन दिवस *

दि.१४/०२/२०२५

दि. १४ फ़ेब्रुवारी २०२५ रोजी म.ए.सो.ज्ञानमंदिर,कळंबोली विद्यालयात मातृ –पितृ पूजन दिवस साजरा करण्यात आला.

सदर कार्यक्रमास इ.८ वी व ९ वी चे विद्यार्थी व पालक तसेच शिक्षक उपस्थित होते.सर्वप्रथम विद्यालयाच्या जेष्ठ शिक्षिका सौ. कुलकर्णी मॅडम व सौ. वाघ मॅडम तसेच पालकांकडून सरस्वती मातेच्या प्रतिमेचे पूजन करण्यात आले. त्यानंतर श्री.म्हात्रे सर यांनी मातृ –पितृ पूजन दिवसाचे महत्त्व सांगतांना संस्कार किती महत्त्वाचे आहेत ते समजावून सांगण्याचा प्रयत्न केला. त्यावेळी त्यांनी देशात वाढत चाललेल्या वृद्धाश्रमाच्या आकड्यांबाबत  काळजी व्यक्त केली व पालकांनी आपल्या पाल्यांवर संस्कार घडविणे अत्यंत महत्त्वाचे आहे हे सांगितले .त्यानंतर काही विद्यार्थ्यांनी पालकांची महती सांगणारी गीते गोष्टी सांगितल्या. सर्व विद्यार्थ्यांनी आपल्या पालकांचे औक्षण केले व त्यांना काही भेटवस्तू दिल्या. त्यानंतर काही पालकांनी आपले मते व्यक्त केली त्यावेळी संस्कार व्यायाम ,सूर्यनमस्कार इ. चे महत्त्व पालकांकडून अधोरेखित करण्यात आले.

सरतेवेळी विद्यालयाच्या ज्येष्ठ शिक्षिका सौ. कुलकर्णी मॅडम यांनी आपले मत व्यक्त करताना तरुणांनी आपली संस्कृती जपली पाहिजे, कुटुंबातील व्यक्तीसाठी त्यागाची भावना, आपुलकी, जिव्हाळा म्हणजेचं आयुष्यभर प्रेमाचे नाते जपणाऱ्या आई-वडिलांची पूजा करा. त्यांच्यावर खरे प्रेम करा, जो आई वडिलांची सेवा करतो; तो यशस्वी होतो असे सांगितले.

सदर कार्यक्रम आयोजित केल्याबद्दल सर्व पालकांनी विद्यालयाचे आभार मानले. शेवटी सर्व वर्गांचे व कार्यक्रमास उपस्थित  राहिलेल्या सर्वांचे आभार मानले. अशाप्रकारे  मातृ –पितृ  पूजन दिवस अतिशय  आनंदात व उत्सव पार पडला.

क्षेत्रभेट 2024-25 - नेहरू तारांगण व नेहरू प्लॅनेटोरियम (इयत्ता 5 वी ते 7 वी )

'नवे नवे नित्य हवे' असे आपल्या सर्वांना वाटत असते. आपण केलेला उपक्रम कदाचित यापूर्वीही केलेला असू शकतो पण त्या उपक्रमातील आनंद हा वेगळा असतो हे आपल्या अनुभवास येत असतेच. असाचउपक्रम क्षेत्रभेटीच्या माध्यमातून आम्ही म. ए. सो. ज्ञानमंदिर कळंबोली या विद्यालयाने केला. फेब्रुवारी महिन्यात येणाऱ्या विज्ञान दिनाचे औचित्य साधून आमच्या शाळेच्या विद्यार्थ्यांसाठी नेहरू तारांगण व नेहरू प्लॅनेटोरियम येथे क्षेत्रभेटीचे नियोजन मंगळवार दिनांक 18/02/2025 रोजी करण्यात आले होते. यात एकूण 164 विद्यार्थ्यांनी सहभाग घेतला. या क्षेत्रभेटीचा उद्देश विद्यार्थ्यांना खगोलशास्त्र आणि वैज्ञानिक शोध या विषयी माहिती मिळावी हा होता. हे स्थळ भारतीय खगोलशास्त्र ब्रह्मांड व ताऱ्यांच्या अभ्यासासाठी विशेषतः ओळखले जाते.
* क्षेत्रभेटीचा उद्देश*
1. खगोलशास्त्र व ब्रम्हांड विषयक संकल्पनांची माहिती मिळविणे.
2. वैज्ञानिक दृष्टिकोन निर्माण करणे.
3. विद्यार्थ्यांमध्ये जिज्ञासा वृत्ती निर्माण करणे.
* क्षेत्रभेटीचा अनुभव
सकाळी 11.15 वाजता आम्ही नेहरू प्लॅनेटोरियम येथे पोहोचलो. सर्वप्रथम विद्यार्थ्यांना एक माहिती पट दाखवण्यात आला. त्यामध्ये ब्रह्मांडाची रचना, ग्रह, तारे आकाशगंगा यांची माहिती देण्यात आली. त्यानंतर प्लॅनेटोरियम मध्ये थ्रीडी शोच्या माध्यमातून ग्रह तारे आणि खगोलीय घटकांचा अभ्यास विद्यार्थ्यांनी केला. हा अनुभव विद्यार्थ्यांसाठी अद्भुत होता. त्यानंतर विज्ञान केंद्रातील प्रयोगशाळा आणि प्रदर्शन पाहिली. तेथे विविध वैज्ञानिक उपकरणे, सौर प्रणालीचे मॉडेल्स, अंतराळ संशोधनाशी संबंधित माहिती मिळाली. संध्याकाळी प्राणी जीवनावर आधारित एक फिल्म दाखवण्यात आली जी अत्यंत माहितीपूर्ण व रोमांचक होती.

मराठी राजभाषा दिन

मराठी भाषा ही महाराष्ट्राची राजभाषा असून तिच्या संवर्धनासाठी २७ फेब्रुवारी हा दिवस प्रसिद्ध मराठी कवी कुसुमाग्रज यांचा जन्मदिवस मराठी राजभाषा दिन म्हणून साजरा केला जातो. मराठी राजभाषा दिनानिमित्त गुरूवार दिनांक २५ फेब्रुवारी २०२५ रोजी म.ए.सो. ज्ञानमंदिर, कळंबोली या विद्यालयात इयत्ता १ वी ते ४ थी च्या विद्यार्थ्यांसाठी हस्ताक्षर स्पर्धा व नृत्य सादरीकरण घेण्यात आले, तसेच इयत्ता ५ वी ते ७ वी च्या विद्यार्थ्यांसाठी नाट्यीकरणाचे आयोजन करण्यात आले. या कार्यक्रमांमध्ये विद्यार्थ्यांनी उत्साहाने सहभाग घेतला.
या कार्यक्रमासाठी प्राथमिक विभागाच्या मा. मुख्याध्यापिका सौ. संजना बाईत मॅडम यांचे मार्गदर्शन लाभले.
निष्कर्ष - मराठी भाषेच्या जतन व प्रचारासाठी यामुळे विद्यार्थ्यांना प्रेरणा मिळाली.

वार्षिक क्रीडा बक्षीस समारंभ

गुरुवार दिनांक २०/०३/२०२५ रोजी म. ए.सो ज्ञानमंदिर, कळंबोली विद्यालयात मुख्याध्यापिका सौ. संजना बाईत मॅडम यांच्या मार्गदर्शनाने वार्षिक क्रीडा बक्षीस समारंभ उत्साहात संपन्न झाला. या कार्यक्रमासाठी श्री. प्रशांत बाळू गांगर्डे सर (सी.ई.ओ ऑफ लक्ष्मी पब्लिक स्कूल)प्रमुख पाहुणे म्हणून उपस्थित होते.त्यांनी मुलांच्या खिलाडू वृत्तीचे कौतुक केले व मुलांना मार्गदर्शन केले.

पाककला स्पर्धेतील विजेत्यांचा  बक्षीस वितरण समारंभ

शुक्रवार दिनांक २१/०३/२०२५ रोजी म. ए.सो ज्ञानमंदिर, कळंबोली विद्यालयात मुख्याध्यापिका सौ. संजना बाईत मॅडम यांच्या मार्गदर्शनाने शालेय बक्षीस वितरण समारंभ उत्साहात संपन्न झाला. यामध्ये शालेय व आंतर शालेय स्पर्धांचा समावेश होता. पालकांसाठी आयोजित पाककला स्पर्धेतील विजेत्यांनाही यावेळी बक्षीस देऊन सन्मानित करण्यात आले.या बक्षीस वितरण समारंभासाठी प्रमुख पाहुणे म्हणून शाळेविषयी आस्था, आपुलकी असणारे आपले पालक सौ सुप्रिया विनोद सावंत उपस्थित होत्या. त्यांनी मुलांच्या कलागुणांचे कौतुक केले.

1 मे महाराष्ट्र दिन